(¯`·._.·[منتديات الشلة العراقيه]·._.·`¯)


منتديات كل شباب وبنات العراق
 
الرئيسيةالــبــوابــةس .و .جبحـثالتسجيلمكتبة الصوردخول

شاطر | 
 

 شوفوا الفرق بين القنوات الفضائية العراقيه والعربيه!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
-
( شلاوي طاااك)
( شلاوي طاااك)


عدد المشاركات : 124
العمر : 32
السٌّمعَة : 0
عدد الدنانير : 10089
تاريخ التسجيل : 21/09/2007

مُساهمةموضوع: شوفوا الفرق بين القنوات الفضائية العراقيه والعربيه!!   الإثنين سبتمبر 24, 2007 4:02 am

دش ستلايت قنوات فضائيه برامج اخبار اغاني من كل مكان وبلد شتريد موجود ترفيه طرب دراما
وهاي جوله بالمحطات الفضائيه ونشوف الفرق بين قنوات العراق وقنوات الدول العربيه



قناة دبي
تعرض افتتاح فندق جديد جوه الماي وافتتاح بحيره فوق النخل وقريه سياحيه براس الشارع ومركز تجاري وصناعي واجتماعي واقتصادي وعلمي وادبي وكلش وكلاشي


قناة الشرقيه العراقيه
مقتل 17 شخص بانفجار في حفله عرس وجرح جميع المعزومين ماعدا ام العروسه حماة العريس كلشي مابيها مع العلم ان العبوه الناسفه جانت بحظنها وماصاربيهاشئ بس شنو شويه اتوصخ ثوبها
واتقطع من جهة الصدر والرجلين يعني صارت هيفاء وهبي من تغني


قناة ال بي سي البنانيه
نقل حفله في اكبر شوارع بيروت للفنانه الشحروره صباح الي مانعرف شوكت تموت ولقد سلطت الاضواء على الصره مال بطنها الي صايره يم خشمها بسبب كثره عمليات شد البشره الي تسويها الشحروره بحيث انسحبت الصره من البطن الى قرب الخشم وقالت انه الطبيب المختص جان مستعجل فشد البشره شده قويه جر وياها الصره بس ميرسي لله ماسحب غير شئ


قناة البغداديه العراقيه
انفجار باكبر شوارع بغداد في منطقه باب الشرجي في بغداد الذي يكثر فيه محلات بيع الفلافل ولقد اكد مصدر في وزاره الداخليه ان الانفجار ليس عبوه ناسفه هو انفجار بشري ادى الى تحطم زجاج المحلات بالبصره وموت 150 شخص بالموصل وادى الى تعطل اجهزه الاتصالات بجنوب استراليا بس شنو من انفجار مدوي الله الي يستر من البقوليات


قناة القطريه الفضائيه
تعرض حفله تنكريه بمناسبه كل الحفلات سوها بس الحفله التنكريه ماسوها وسوها هسه
وفاز بها مشارك لابس عكال جينز ماركه ليفايز ودشداشه ستان خفيفه ماركه تخلي المطي يغرد
واثبت ياعكال الراس


قناة العراقيه الفضائيه
تعرض انفجار بالمنطقه الشيعيه وعبوه ناسفه بالمثلث السني واشتباك بمنطقه كردستان وحوادث بالمنطقه الي مالها دخل بالعمليه السياسه وحوادث تفال وشتايم بالمنطقه الخظراء وخطف ارهابيون رهينتين رجل وزوجته في ليله الزفاف من الفندق ولقد توسله الزوج يمعودين بس ربع ساعه عفوني وحدي وي زوجتي تره فشله بالعشيره شيكولون عني فاشل تقبلها انت يا ارهابي هسه بس بوسه وبعدين اخذونا وكصوا راسنا وطلعونا على العربيه لو الجزيره



قناة المصريه الفضائيه
تعرض مهرجان الافلام السنوي بمشاركه جميع الدول باستثناء العراق لانه هو صاير فلم وتخلل الحفل
دك وركص وركع اصبعتين


قناة الفيحاء العراقيه
انفجارات متتاليه لمده 23 ساعه بهذا اليوم بقه ساعه وحده وتصير 24 يعني يوم واحد والساعه الاخيره
من هذا اليوم صار بيه اشتباكات اسفرت عن جرح واحد فقط هم رحمه من الله لان الاشتباكات صارت بالقنادر مو بالاسلحه وعند نقل المجروح الى المستشفى صار انفجار بالمستشفى ومات المجروح الي اسمه الثلاثي سعيد فرحان كلش من عشيرة محظوظ جدا


قناة البحرين الفضائيه
افتتاح مطار جديد وشارع جديد وفندق جديد ومتحف جديد ومدرسه جديده وكليه جديد عبالك باجر العيد كله جديد بجديد وعين الحسود بيها عود جديد هماتين


قناة الديار العراقيه
مصرع ومقتل ووفاة وخطف واغتصاب وتعذيب وقطع راس هذا طبعا الموجز اما التفاصيل هناك يم المشرحه مما ادى الى استنكار السيد رئيس الجمهوريه وطلب بتحسين المشرحه وجعلها سياحيه
وخصص مبلغ 250 مليون دولار لبناء ثلاجات جثث سعه مليون راكب وطالب بتحسين اوضاع
الموتى العراقين


قناة الفرات العراقيه
تعرض احتجاج مدير قناة الفرات لانه قنوات العراق الفضائيه كلها عرضت كل الي ماتوا بالانفجارات ومابقوا كم ميت تعرضه قناة الفرات وقال هسه على الاقل مجروح واحد نعرضه شنو تكاطعت الناس محد يساعد



قناة روتانا
دك عيني دك للصبح اغاني وركص ودنبك وهلاهل وجق اصبعتين مو مثل قناة الفرات العراقيه
يدور مجروح يعرضه بالتلفزيون


قناة العراقي السعيد الفضائيه
تعرض وقائع احتفال شعب العراق بقدوم السنه الجديده حيث في الساعه 12 ليلا عمت الفرحه
ارجاء بغداد دار السلام وشلون سلام يخبل عمت الفرحه الساعه 12 مو علمود السنه الجديده انما على مود الكهرباء اجت لمده ساعتين حتى تشغل الناس الماطور تصعد ماي الى التانكي حتى ثاني يوم
يغسل المواطن هو وزوجته واطفاله كلهم سويه جوه الدوش لانه الماي مايكفي يغسل واحد وره الواحد كلهم سويه لانه العراق هسه ينعم بالشفافيه لابس من غير هدوم والتعدديه كلها تفوت تغسل سويه تحت دوش واحد وصابون واحده وليفه واحده ووطن واحد وشعب واحد واكيد مو بوري واحد انما 20 مليون بوري لكل مواطن عراقي بوري



هاي القنوات العراقيه والعربيه والفرق واضح بين الحياة والموت بين من يبني وبين من يدمر
بلكت باجر نفتح التلفزيون ونشوف حمام السلام يقدم برامج بالقنوات العراقيه الفضائيه بلكت










ارجووووووووو التقيمممممم
الرجوع الى أعلى الصفحة اذهب الى الأسفل
عموشتي_love
( شلاوي VIP)
( شلاوي VIP)


ذكر
عدد المشاركات : 405
العمر : 27
البلد : من ارض الحب ((الرمادي ))
المهنة : سايق مخدة
السٌّمعَة : 0
عدد الدنانير : 10289
تاريخ التسجيل : 13/07/2007

مُساهمةموضوع: رد: شوفوا الفرق بين القنوات الفضائية العراقيه والعربيه!!   الإثنين سبتمبر 24, 2007 5:03 am

مشكور حبيبي
الرجوع الى أعلى الصفحة اذهب الى الأسفل
مديرالجنائيات
( شلاوي متعب نفسه)
( شلاوي متعب نفسه)


عدد المشاركات : 57
البلد : جمهورة الحاسبة - محافظة الشلة
المهنة : مدير قسم الجنائيات في الشلة
السٌّمعَة : 0
عدد الدنانير : 10308
تاريخ التسجيل : 09/07/2007

مُساهمةموضوع: رد: شوفوا الفرق بين القنوات الفضائية العراقيه والعربيه!!   الإثنين سبتمبر 24, 2007 10:09 pm

مشكووووووووووووووووووووووووور عيوني
الرجوع الى أعلى الصفحة اذهب الى الأسفل
 
شوفوا الفرق بين القنوات الفضائية العراقيه والعربيه!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(¯`·._.·[منتديات الشلة العراقيه]·._.·`¯) :: المنتدى الترفيهي :: منتدى التحشيش-
انتقل الى: