(¯`·._.·[منتديات الشلة العراقيه]·._.·`¯)


منتديات كل شباب وبنات العراق
 
الرئيسيةالــبــوابــةس .و .جبحـثالتسجيلمكتبة الصوردخول

شاطر | 
 

 اعرف معنى النذالة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
-
( شلاوي طاااك)
( شلاوي طاااك)


عدد المشاركات : 124
العمر : 32
السٌّمعَة : 0
عدد الدنانير : 10089
تاريخ التسجيل : 21/09/2007

مُساهمةموضوع: اعرف معنى النذالة   الإثنين سبتمبر 24, 2007 3:56 am

هلو شباب
شلونكم ... اليوم الموضوع شيق ومهم جداا ..وحساس اكثر من الازم
طبعاا كلنه نعرف منو هو الناقص ..... وكلنا نعرف الدكه الناقصه بالعاميه (( الفاينه ))
وراح نقسم موضوعنا اليوم الى ثلاث مراحل..::
ومن خلالها راح نعرف شلون نتعلم النذاله بشكل مبسط والى حد الاحتراف (( يعني نذل محترف ))
القسم الاول..:: وما هو تعريف النذاله
القسم الثاني..:: ما هي متطلبات النذاله
القسم الثالث ..:: مراحل تطبيق النذاله من الصفر حتى الاحتراف
النذاله..:: وهي الجرأه المتوفره لدى الشخص النذل للقيام بدكات نذله تؤثر بشكل سلبي على حياة الشخص المجني عليه (( الضحيه ))
بحيث يتم تدميره تدمير كامل ... او جزئي قد يستمر لفتره معينه من ازمن.. او قد يستمر حتى الموت
وهناك تعاريف اخرى للنذاله .. المتمثله بالشخص الناقص ومدى قابليته على اجراء العمليات ( الفاينه )
بأعصاب بااااااااااااااارده
اوكي
وبعد ما انطينا تعريف ملخص عن النذاله راح ننتقل للموضوع الاكثر جديه
وهو (( متطلبات النذاله ))
لكي تقوم بممارسة النذاله يجب ان تتوفر بيك الامور التاليه
1. قلب فارغ من معاني الرحمه والتأثيرات العاطفيه
2. دماغ صافي للتكتكه او بمعنى اخر ..حياكة الدكه الفاينه بشكل خرافي حتى تكون الضربه شبه مميته
(( ملاحضه هذا الكلام من منطلق الحكمه التي تقول .. اذا اكرمت اشبع واذا ضربت اوجع ))
3.عدم التفكير في الامور التاليه(( هذا كرايببي ... هذا اخوي,,, هاي عرف ..هذاك ابن عمي ....الخ ))

4.عدم التفكير بالنتائج (( يعني مثلا صديقك يحب وحده ويموت عليهه وجتك فرصه تكدر تدمر حياتهم بشكل خنفشاري لتفكر شراح يصير وراهه وماكو داعي نطب بالتفاصيل ))
5.التحلي بالصبر وطبخ الدكه بشكل مضبوط لكي تكون النتائج ايجابيه بالنسبه لكل نذل محترف
6. وهيه اهم شي...(( الاستمتاع الكامل بالتخطيط للدكه النذله ...وبعد ما تسوي الدكه ...
الله الله ..... طبعاا لازم تضحك من كل كلبك وتنشر هاي الواقعه مالتك الى كل الانذال من جماعتك ( لنشر النذاله بشكل حنفشي )..

والان
نتوجه الى القنبله النوويه...
وهي
(( مراحل تطبيق النذاله ))
القاعده الاولى والاساسيه لكل نذل يبحث عن الاحتراف
هي.... طبق اقوه دكه ناقصه بأقرب الناس الك....ليش؟؟ اني اكلك ليش
لان انته من راح تسوي هاي الدكه بأقرب الناس الك .... اني متأكد انك تكدر تسويهه بكل الناس بعده
اوكي
نبدأ من البيت
مثلا ابوك الصبح يريد يروح للدوام ... وموقت الساعه ع الثمانيه ضبط ..انته شسوي هههههههه
ميحتاج شرح
زين وره ميكعد من النوم وشاف الوقت متأخر وكام يلبس ع السريع انته خو ما تخلي يلحك ع الدواااااام
لا عيني لا
تروح قبل لا يلبس وتبوك حزامه لو تك من جواريبه وتخلي يفتر بالبيت ويكفر
هههههههههه الله الله.. وهذا الحجي انته خربان من الضحك
وطبعاا كل واحد يعرف شنو نقاط الضعف ما ل ابوه (( اخوتي اخوتي ما اوصيكم ))
زين الحجيه ...يا عيني عليج
راح اسولفلكم واقعه حقيقيه طبقتها ونجحت ميه %
طبعاا بيبيتي سنونها كلها واكعه.......... وحاطه قالب اصطناعي بالليل تشيله وتنام وثاني يوم تلبسه
وطبعاا من تشيله تحطه بالثلاجه بطاسه مال مي بالفريز
الله الله... واني جنت ما متقصد
فد يوم كعدت بالليل ..وجنت عطشاااااااااااان وفتحت المهجومه .......وحدث ما لم يكن بالحسبااااان
يبوه يا الله شربت نص الطاسه وعبالي بيها ثلج طلعن يبوووووووووووه ما اكدر اسولف
المهم
اني طبعاا صعدت عندي النذاله الى حد الجنون
وكمت وضميت السنون مال الحجيه
وثاني يوم..
كالاسد ....الحجيه كعدت تدور ع السنينات وماكو نتيجه واني (( لا من شاف ولا من دري ))
وخليتها ثلاث ايام بس ع السوائل.......ز يعني تصوروا الموزه كام تمصهه مص ههههههههه
وبعدين مدري شلون اختي الصغيره لكتهن ... من راحت تترس الاله نفط
لكتهن منكعات بالنفط
الله الله................. توب والحجيه صار بيها اشكال والوان
المهم هاي حاله من الحالات
هسه ننتقل الى اخوتنا الصغااااااااار ويا عيني عليهم
يعني مثلا اخوك الصغير اشتره نستله او موطه
تلزمه تشبعه كتل ...وبعدين تاخذ الموطه وتكوم تلطع كدامه واو تاكل كدامه وهو ه يباوع مسكيييييييييييييين
(( ملا حضه تره بس ينكسر خاطرك عليه ... تروح عليك كل السالفه ))
ومو بس اخوك الصغير اي واحد بالبيت مثلا هسه احنه بالشته اكعد بنص الليل وشوف منو متغطي بطانيتين شيل وحده من عنده بدون ميحس
وخليه يتراجف الليل كله
(( وطبعاا كل واحد من عدنه هسه اجته افكار جهنميه بالنذاله ))
هسه نطلع للشارع
ونتخصص بالكلام عن اقرب صديق
يعني وبكل بساطه كاعد تتمشه بالشارع وياه وفجأه من تشوف ازدحام او شرطه صيح (( هذا مفخخ يا ناس يا عالم اشردوا )) وشوف وراهه شراح يصير وارجع لمكان الحادث بعد مرور دقيقه وشوف جبال من النعلان المتروكه في مكان الحادث
ههههههههههههههه احله دكه نذله
وايالك وبالك تفكر بالنتائج
هسه بعد ما تفرغنه من الصديق ننتقل الى سيارة الكيا
مثلا واحد يمك او كدامك مضايقك او يباوع عليك
شي طبيعي ... اقرب نقطة تفتيش واشر للشرطي عليه وكله هذا مشكوك في امره وعوف الباقي عليه

ومن توصل للكليه بعدك بالباب
من تطب اذا شفت واحد ما لابس زي وطب اكلب الدنيا ع الامن وسويها كربلاء
وبغض النضر عنه عرف مو عرف كرايب صديق .......الخ

ووره ما راح تدخل
شي اكيد راح تطب للنادي تتريك
ويا عيني ع النادي وطلابه..... رأسن بث دعايه انه انته البارحه من كاعد تاكل لفة فلافل او كص او غير شي... انه انته شفت اربع ذبانات بلفة بنيه وخلي البنات يطافرن مثل البك
هههههههههههههههه
وبعدين وره الساعه 11 راح تشوف الحبجيه كاعدين مثل الوروووووود
الله............... يعني موصعبه عليك اذا تجيب فد خمسه من اصدقائك
وتكعدون تصنيف وضحك عليهم خوب اذا كان او كانت عرف الله الله..... اخوتي ما اوصيكم
كلش عادي
(( واكو فد ملاحضه مهمه ... احله شي من راح يسؤلوك ..انته ليش سويت هيج...؟؟ انته شراح تجاوب
راح تكلهم ..يا اما تكلهم(( هيييييييييييج )) او ((( عااااااادي))
وراهه ضحكه مال محترف يعني هاهاهاهاهاهاهاهااااااااااااااااييييييييي
اذا استمريت لمدة ثلاث ايام عله هالمنوال
اني ااكدلك انك راح تصير نذل محترف
شباب هذا الموضوع قابل للنقاش والمحاوره وياريت لو كل واحد يحطنه فد فكره جديده بالنذاله
او يسولفنا على احدى دكاته الفاينه
الرجوع الى أعلى الصفحة اذهب الى الأسفل
مديرالجنائيات
( شلاوي متعب نفسه)
( شلاوي متعب نفسه)


عدد المشاركات : 57
البلد : جمهورة الحاسبة - محافظة الشلة
المهنة : مدير قسم الجنائيات في الشلة
السٌّمعَة : 0
عدد الدنانير : 10308
تاريخ التسجيل : 09/07/2007

مُساهمةموضوع: رد: اعرف معنى النذالة   الإثنين سبتمبر 24, 2007 10:05 pm

مشكوووووووووووووووووووووور حبيبي الغالي على مواضيعك الرووووووعه
الرجوع الى أعلى الصفحة اذهب الى الأسفل
 
اعرف معنى النذالة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(¯`·._.·[منتديات الشلة العراقيه]·._.·`¯) :: المنتدى الترفيهي :: منتدى التحشيش-
انتقل الى: