(¯`·._.·[منتديات الشلة العراقيه]·._.·`¯)


منتديات كل شباب وبنات العراق
 
الرئيسيةالــبــوابــةس .و .جبحـثالتسجيلمكتبة الصوردخول

شاطر | 
 

 سبع صنايع ............. والبخت كاعد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مديرالجنائيات
( شلاوي متعب نفسه)
( شلاوي متعب نفسه)
avatar

عدد المشاركات : 57
البلد : جمهورة الحاسبة - محافظة الشلة
المهنة : مدير قسم الجنائيات في الشلة
السٌّمعَة : 0
عدد الدنانير : 11364
تاريخ التسجيل : 09/07/2007

مُساهمةموضوع: سبع صنايع ............. والبخت كاعد   الأربعاء ديسمبر 24, 2008 10:42 pm

السلام عليكم
هوه مهندس وضابط ومحامي ومحاسب ويمكن طبيب وياها، لا عبالكم دا احجي على (ابوحقي).. لا لا والف لا، عدنا نموذج حي لكل هاي الصفات والشهادات موجود بالحكومه، بس بدل اسمه (لان اسمه فاول) ولعب جوله والبيت اظلم وتايهه ودليلها اعمى ..!

انه المبجل المقدام المناضل الطبيب المهندس المحامي الطيار المحاسب وفد الف وخمسمية شهاده من الجاره (الشقيقه).. انه ابوالحروف (بيان جبر صولاغ)..! اول ما طبوا الشباب من الجاره الشقيقه العريقه ايران، جابوه وكالوا مهندس من الطراز الاول وخريج بغداد مدري يا سنه، آني هم من كل عقلي رحت للنقابه ادور على اسمه ، بهاي الاثناء خلوه وزير للاسكان والتعمير، وبعدني آني ادور.. والنتيجة؟ اسمه ما موجود بسجلات النقابه مع كل الاحتمالات: باقر، بيان، صولاغ، الزبيدي... كتلت روحي والناتج صفر باليد حصان ..!

لمن صار صولاغ وزير للاسكان طلعوه بالتلفزيون كاشخ ولا بس قاط، بس وهنا مشكله ما لابس رباط !!!! إحزروا هاي منين؟ ابو (سبع صنايع) كال بهذا اللقاء نحن في طور بناء 250 الف وحدة سكنيه !!! الصراحه اني صفنت وكلت يا الله انحلت مشكله السكن، بس عبر علاقتي سألت واستفسرت وطلعت 250 !! يعني بدون الألف.. يعني صاحبنه مطير 3 صفاره ؟؟ هذا شلون مهندس اللي ميعرف انه الصفر عله اليمنه اله مفعول جبير ؟؟؟ ميخالف غلس.. طبعا تبين أن الوحدات السكنيه الـ250 الي انبنت فوك سبع ابكار توزعت للساده المناضلين من المجلس الاعلى وبدر..!!

زين.. هاي انجازاته في مجال الاسكان والتعمير.. كاموا كالوا يابه تره ابو الحروف ضابط عتيك ودفعته صاروا الويه وقادة فرق بس هوه جان نايم بقم المقدسه يقره القراءة الخلدونيه ودار ودور.. جابوه خلوه بوزاره الداخليه، وطبعا هوه بخبرته العاليه كدر يرفد الوزاره بأحدث انواع التعذيب وآلات نزع الاعترافات وكراسي دواره وكراسي ابوالزنجيل وابوالحبل وكل الانواع.. من باب يفيد الوطن والشعب لضبط الامن والامان عن طريق سياسه دريل ودرنفيس (موكتلكم مهندس اكيد يعرف شيسوي بالدرنفيس).

وابتكر أيضا طرق جديدة لابعاد تاثيرات الموت عن الشعب، وكال احسن شي نشمرهم بالشط ومحد يلكاهم حته لا يفزون العالم من يشوفون جثث مقطوعه الراس لومزرفه بدريلات.. أو مرات حتى مشرحه لاسباب طبية (مو هوه طبيب هاي نسيناها)، وطبعا خبرته الطبيه ما قصر بيهه هم ترس الطب العدلي بانواع الجثث (ابوالحروف متعدد المواهب يعني 3 في 1 شامبو ومكيف شعر).

وما اضم عليكم كدر وبخبراته القانونيه كمحامي انه يخرط كل الميليشيات ضمن قوات الامن العراقيه وعلى كولة السفير الامريكي خليل زاده ( 90 بالميه من قوات الامن العراقيه ما يزالون يرتدون ملابس بدر تحت ملابسهم العسكرية) هاي معروفه يعني.. ولوعليهه تكتم اعلامي؟

وصلنه يم حكومه المالكي وما اعرف شنو فلمهم ويه ابوالحروف، هيجي ماعدهم غيره ؟؟ شنو طماطه بكل جدر يرهم ؟ هالنوب حطوه وزير المالية، يعني من وزارة قطع الاعناق الى وزارة قطع الارزاق، وهم لعب جوله والبيت اظلم، اول مقابله وياه كال احنه بصدد نشيل 3اصفار من الدينار العراقي !! مثل الـ3 اصفار اللي شالهه من عدد الوحدات السكنيه، زين انت يا ابوالحروف بامكانياتك العلميه ما فكرت انه ما راح يفرق شي؟ يعني يبقه كلشي نفس سعره ؟؟ شنو بس تغير الطبعه ؟؟ وبيهه خمط فلوس للصبح هاي اكيده..

كال الميزانيه مدري جم مليار والرواتب حنصعدها، صعدها شهر وعلك السوك والمكرود الموظف ما لحك يتهنه وابوالحروف رد نزل الرواتب، وكل ما واحد يحجي وياه يكله والله صندوق النقد الدولي والدول المانحه متقبل نصعد الرواتب! ليش انت تشتغل يم صندوق النقد الدولي ؟؟ لوعشيرتك يم الدول
المانحه؟ مو بلدك وشعبك ... شنو فايدة الحجي وانت من جماعة (القوي الامين)، اللي ما أعرف على منو قوي وعلى شنو أمين ..؟

بالمناسبه ابو الحروف لليوم يحتفظ بجنسيته الايرانيه اللي نص الدستور على انه كل مسؤول عراقي لا يسمح له بحمل اكثر من جنسيه.. وهاي موضوع ثاني نسولف بيه غير وكت لان طكت مرارتي ومحد يسمع .... ما اطلع مريم اذا ماباجر ايطلع ويصرح ايكول صرت مدير منتديات حدايق العراق وكولو كالت مريم


ننتظر ردودكــــ ,,,,,,,ــــــم

__________________
الرجوع الى أعلى الصفحة اذهب الى الأسفل
عـلاوي
في غيآبڪ تعـ’ـلن الدنــيآ وفآتي
في غيآبڪ تعـ’ـلن   الدنــيآ وفآتي
avatar

ذكر
عدد المشاركات : 1227
العمر : 29
البلد : من ام قصر الى زاخو عنواني
المهنة : طالب جامعي
رقم العضوية : 1
المزاج :
السٌّمعَة : 15
عدد الدنانير : 45648
تاريخ التسجيل : 04/07/2007

مُساهمةموضوع: رد: سبع صنايع ............. والبخت كاعد   الخميس ديسمبر 25, 2008 6:14 pm

مشكووووووووووور عزيزي وموضوع شيق

_______ التوقيع ______ منتديات الشلة العراقية _____ التوقيع _______
ربي .. لـآ آعلم مآتحمِله آلآيآم ليً لَكنْ ( ثقتيً)بِأنك معي تكفينيْ~

للأستفسار :
إتصل بنا
الرجوع الى أعلى الصفحة اذهب الى الأسفل
http://alshelah.forumotion.com/
بنت بغداد
( شلاوي جديد)
( شلاوي  جديد)
avatar

انثى
عدد المشاركات : 13
العمر : 36
البلد : العراق
المهنة : خريجة جامعة
رقم العضوية : 280
السٌّمعَة : 0
عدد الدنانير : 43759
تاريخ التسجيل : 25/12/2008

مُساهمةموضوع: رد: سبع صنايع ............. والبخت كاعد   الخميس ديسمبر 25, 2008 11:58 pm

اشكرك جزيل الشكر
على الابداع
الرجوع الى أعلى الصفحة اذهب الى الأسفل
http://www.alshelah.forumotion.com
رفيق الاحزان
( نائب المدير)
( نائب المدير)
avatar

ذكر
عدد المشاركات : 1098
العمر : 31
البلد : العراق العظيم
المهنة : طالب اكو غيرها
رقم العضوية : 2
المزاج :
السٌّمعَة : 7
عدد الدنانير : 45407
تاريخ التسجيل : 20/09/2007

مُساهمةموضوع: رد: سبع صنايع ............. والبخت كاعد   الثلاثاء فبراير 10, 2009 12:05 am

مشكوووووور بعد عيني على الموضوع الي يخبللل مثلك
تحياتي

تقبل مروري

_______ التوقيع ______ منتديات الشلة العراقية _____ التوقيع _______
الرجوع الى أعلى الصفحة اذهب الى الأسفل
الياقوته
من مؤسسي المنتدى
من مؤسسي المنتدى
avatar

انثى
عدد المشاركات : 2775
العمر : 30
البلد : العراق
المهنة : مُـــعــــلـــمة
رقم العضوية : 3
المزاج :
السٌّمعَة : 10
عدد الدنانير : 13275
تاريخ التسجيل : 22/07/2007

مُساهمةموضوع: رد: سبع صنايع ............. والبخت كاعد   السبت فبراير 14, 2009 9:03 pm

مشكوررررررررررررررررررررررررررر

_______ التوقيع ______ منتديات الشلة العراقية _____ التوقيع _______
الرجوع الى أعلى الصفحة اذهب الى الأسفل
http://alshelah.forumotion.com/
حورية الفرات
( شلاوي متعب نفسه)
( شلاوي متعب نفسه)


انثى
عدد المشاركات : 53
العمر : 31
البلد : العراق
المهنة : معلمه
السٌّمعَة : 0
عدد الدنانير : 9615
تاريخ التسجيل : 11/02/2009

مُساهمةموضوع: رد: سبع صنايع ............. والبخت كاعد   الأحد فبراير 15, 2009 10:51 pm

مشكوووووره حبيتي
بارك الله بيج
تقبلي مروري
تحياتي الج
الرجوع الى أعلى الصفحة اذهب الى الأسفل
mido_alani
(نائب المدير العام )
(نائب المدير العام )


ذكر
عدد المشاركات : 12
العمر : 28
البلد : مدينة الحب
المهنة : طالب
رقم العضوية : 2
المزاج :
السٌّمعَة : 0
عدد الدنانير : 2147493256
تاريخ التسجيل : 13/02/2009

مُساهمةموضوع: رد: سبع صنايع ............. والبخت كاعد   الجمعة فبراير 20, 2009 9:51 am

هذا مو بس سبع صنايع هذا على گولت اخوانه المصريين (بتاع كلو)
مشكور عالموضوع
تقبل مروري المتواضع
الرجوع الى أعلى الصفحة اذهب الى الأسفل
 
سبع صنايع ............. والبخت كاعد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(¯`·._.·[منتديات الشلة العراقيه]·._.·`¯) :: المنتدى العام :: گهوة عزاوي-
انتقل الى: